Popular Bible Verses from DIANE 3

Share

Ikanye MORENA ka pelo yotlhe, mme o se ikaege ka tlhaloganyo ya gago. Mo gopole mo ditseleng tsotlhe tsa gago, mme ene o tla siamisa ditselana tsa gago.

Se ikae yo o botlhale ka wesi, mme o boife MORENA, o ile bosula.

Tlotla MORENA ka dineo tsa khumo ya gago le tsa letlhafula la kotulo yotlhe ya gago. Foo difala tsa gago di tla tlala letlotlo; digatelo tsa gago di tla tshologa matute a moweine.

A lorato le boammaaruri di se go tlogele, di apare mo molaleng wa gago, o di kwale mo pelong ya gago jaaka mo letlapeng.

Morwaaka, se nyatse kotlo ya MORENA; le gona o se kgopisiwe ke kgalemelo ya gagwe. Gonne MORENA o a tle a otle yo a mo ratang, jaaka rraagwe motho a betsa ngwana yo o mo kgatlhang.

Morwaaka, se lebale thuto ya me; a pelo ya gago e tshegetse ditaolo tsa me! Gonne di tla go okeletsa bontsi jwa malatsi le dinyaga tsa bophelo le kagiso.

Go tlhogonolo motho yo o bonyeng botlhale le monna yo o bonang tlhaloganyo. Go bo bona go gaisa go bona selefera; go nna najo go phala gouta. Bo na le tlhwatlhwa e kgolo bogolo go dibaga tsa korale. Dilo tse dintle tsotlhe ga di lekane najo.

Se time ba ba tshwanetsweng ke tse di molemo, fa go le mo thateng ya gago go ba thusa.

MORENA o theile lefatshe ka botlhale; a tlhomamisa legodimo ka tlhaloganyo.