Popular Bible Verses from DIANE 10

Share

Tshegofatso ya MORENA ke yona e e humisang; matsapa a motho ga a e okeletse sepe.

Bontsi jwa mafoko ga bo tlhoke boleo, mme yo o itshwarang molomo o botlhale.

Letlhoo le tsosa phapaang, mme lorato lo bipa maleo otlhe.

Seatla sa motlapa se a humanegisa, mme diatla tsa ba ba tlhaga di a humisa.

Yo o elang kotlo tlhoko o mo tseleng e e yang mo bophelong; mme yo o tlhokomologang kgalemelo o a timela.

Yo o sepelang ka boitekanelo o tsamaya a le mo tshireletsong; yo o sokamisang ditsela tsa gagwe o tla lemogiwa.

Go boifa MORENA go oketsa malatsi a bophelo; mme dinyaga tsa baikepi di tla fokodiwa.

MORENA ga a bolaise mosiami tlala, mme keletso ya moikepi o e kgoromeletsa kwa morago.

E a re fa ledimo le feta, moikepi a ye le lone; mme mosiami o theilwe mo motheong o o sa khutleng.