Popular Bible Verses from MATHEO 5

Share

Le gona ga go ke go tshujwa lobone, lwa bewa ka fa tlase ga kgamelo. Lo bewa mo setlhomong; foo lo tla bonegela botlhe ba ba mo ntlong. A lesedi la lona le bonegele batho jalo gore ba bone ditiro tsa lona tse di siameng, ba tle ba galaletse Rraalona yo o kwa magodimong.

“Lona lo lesedi la lefatshe. Motse o o mo godimo ga thaba ga o ka ke wa fitlhega.

Go sego ba ba pelo di itshekileng; gonne ba tla bona Modimo.

Go sego ba ba nang le tlala ya tshiamo, ba e nyorelwa; gonne ba tla kgorisiwa.

Mme nna ke lo raya ke re: Ratang baba ba lona, lo tshegofatseng ba ba lo hutsang; ba ba lo tlhoileng lo ba direleng molemo, lo rapelele ba ba lo kgobotlang, ba lo bogisa

“Go sego ba ba humanegileng mo moweng; gonne puso ya magodimo ke ya bone.

Go sego badira-kagiso; gonne ba tla bidiwa bana ba Modimo.

Go sego ba ba hutsafetseng; gonne ba tla gomodiwa.

Go sego ba ba bogisediwang tshiamo; gonne puso ya magodimo ke ya bone.

Go sego ba ba kutlwelo-botlhoko; gonne ba tla utlwelwa botlhoko.

“Lo sego, fa batho ba lo kgoba, ba lo bogisa, ba bua bosula jotlhe ka ga lona ka maaka, ka ntlha ya me. Itumeleng lo ipele; gonne tuelo ya lona e kgolo kwa magodimong. Gonne ba bogisitse baporofeti jalo, ba ba neng ba le teng pele ga lona.

Go sego ba ba pelonolo; gonne ba tla rua boswa jwa lefatshe.

“Lona lo letswai la lefatshe. Fa letswai le tswapogile, le tla lokwa ka eng? Ga le tlhole le na le tiro epe, fa e se go latlhelwa kwa ntle le go gatakwa ke batho.

Ka moo he, siamang ka botlalo jaaka Rraeno wa legodimo a siame ka botlalo.

Mme a lefoko la lona la ‘Ee’ e nne ‘Ee’, la ‘Nnyaa’ e nne ‘Nnyaa’; mme se se fetang tseo se tswa mo go yo-o-bosula.

“Lo utlwile gore go tilwe: ‘A leitlho le tswelwe ke leitlho le leino ke leino.’ Mme nna ke lo raya ke re: Se ganetsanyeng le yo o lo direlang bosula; mme fa mongwe a go faphola lesameng le le jang, mo neele le la molema.

Fa leitlho la gago le le jang le go kgopisa, ò le gonye, ò le latlhe; gonne go molemo mo go wena, fa nngwe ya ditokololo tsa gago e ka senyega, gore go se latlhelwe mmele otlhe wa gago mo moleteng wa molelo. Fa letsogo la gago le le jang le go kgopisa, ò le kgaole, ò le latlhe; gonne go molemo mo go wena, fa nngwe ya ditokololo tsa gago e ka senyega, gore go se latlhelwe mmele otlhe wa gago mo moleteng wa molelo.