Popular Bible Verses from BAHEBERE 13

Share

A tsamao ya lona e se nne ya go rata madi; itumeleleng tse lo nang natso; gonne o buile ka osi wa re: “Ga nka ke ka go tlhokomologa le e seng go go tlogela ka gope.”

Jesu Keresete o ntse a tshwana maabane le gompieno le ka bosakhutleng.

Ke ka moo re tiang moko re re: “Morena ke mothusi wa me, ga nkitla ke boifa; motho a ka ntirang?”

Mme go dira molemo le go atswana lo se ka lwa go lebala; gonne ditshupelo tse di ntseng jalo ke tse di kgatlhang Modimo.

Jalo he, a re isetseng Modimo ka gale tshupelo ya pako ka ene, e bong leungo la melomo e e ipolelang leina la gagwe.

A nyalano e tlotliwe mo go botlhe, mme bolao bo se kgotlelwe; gonne Modimo o tla atlhola diaka le ba ba senyang nyalano.

Se lebaleng go tshola baeng; gonne ka go dira jalo bangwe ba kile ba tshola baengele, ba sa itse.

Mme Modimo wa kagiso o o ntshitseng Jesu Morena wa rona mo baswing, yo e leng modisa yo mogolo wa dinku ka madi a kgolagano e e sa khutleng, a o lo nonotshe mo go sengwe le sengwe se se siameng gore lo dirafatse thato ya ona o o dirang mo go lona se se o kgatlhang ka Jesu Keresete; a kgalalelo e nne ya gagwe ka bosakhutleng! Amen.