Popular Bible Verses from GENESI 27

Share

A Modimo o go neye monyo wa legodimo le monono wa lefatshe le letlotlo la mabele le la matute a moweine. A merafe e go direle, a ditšhaba di go ikobele, o nne morena wa bomorwa-rraago. A bomorwa-mmaago ba go ikobele. Go hutsiwe ba ba go hutsang. Go tshegofadiwe ba ba go tshegofatsang.”

Esau a re: “Ruri, o bidiwa Jakobe ka tshwanelo. Kana o ntsieditse gabedi: Bogolo jwa me o bo tsere; jaanong o tsere le tshegofatso ya me.” A ba a re: “A ga o a ntshadisetsa tshegofatso epe?”

Jaanong Isaka rraagwe a mo raya a re: “Bona, boago jwa gago bo tla nna kgakala le monono wa lefatshe le kgakala le monyo wa legodimo kwa godimo. O tla phela ka tšhaka ya gago, o direla monnao; mme e tla re o itwela thata, o role joko ya gagwe mo molaleng wa gago.”

Esau a botsa rraagwe a re: “Rra, a o ne o na le tshegofatso e le nngwe fela? Rra, le nna ntshegofatse!” Ke fa Esau a tsholetsa lentswe, a lela.