Popular Bible Verses from 2 BAKORINTHE 1

Share

A go bakwe Modimo, e bong Rra Jesu Keresete, Morena wa rona, Rara yo o mautlwelo-botlhoko, Modimo wa kgomotso yotlhe, o o re gomotsang mo dipitlaganong tsotlhe tsa rona gore re tle re nonofe go gomotsa bone ba ba mo dipitlaganong tsa mefutafuta ka kgomotso e le rona ka rosi re gomodiwang ke Modimo ka yona

gonne kgomotso e re ntsifaletse ka Keresete, jaaka dipogiso tsa ga Keresete le tsona di re ntsifaletse.

Tota mo teng ga rona re ne re setse re ineetse go swa, e le gore re se ka ra iikanya ka rosi, mme re ikanye Modimo o o tsosang baswi

Mme ene yo o re tlhomamisang mmogo le lona mo go Keresete yo o re tloditseng ke Modimo, o e bileng o re tshwaile, wa re naya sebeelelo sa Mowa mo dipelong tsa rona.

Mme fa re pitlaganngwa, e a be e le gore lo bone kgomotso le pholoso; gongwe fa re gomodiwa, e a be e le ka ntlha ya kgomotsego ya lona e e itshupang ka go itshokela tsona dipogo tse le rona re di bogang.