Popular Bible Verses from 1 BAKORINTHE 15

Share

Jalo he, bakaulengwe ba me ba ba rategang, nnang tlhomamo, lo se tshikinyege, lo nne lo totele pele mo tirong ya Morena, ka lo itse gore matsapa a lona ga se a lefela mo Moreneng.

Mme a Modimo o lebogwe o o re nayang phenyo ka Morena wa rona Jesu Keresete!

Se tsiediweng: “Go tsalana le ba ba bosula go senya mekgwa e e siameng.”

Mme ke se ke leng sona ke ka bopelotlhomogi jwa Modimo; mme bopelotlhomogi jwa ona mo go nna e ne e se lefela. Ke dirile bogolo go bone botlhe, mme e se nna, ke bopelotlhomogi jwa Modimo jo bo nang le nna.

“Loso, lobolela lo lo botlhole lwa gago lo kae? Felo ga baswi, phenyo ya gago e kae?” Lobolela lwa loso ke boleo, mme thata ya boleo ke molao.

Ke lo bolelela bosaitsweng ke jo: Ga re nke re swa rotlhe, mme re tla fetolwa rotlhe ka nakonyana, ka ponyo ya leitlho, ka lonaka lwa bofelo; gonne lo tla kgelebetega, mme baswi ba tla tsosiwa e le ba ba sa feleng, mme rona re tla fetolwa.

Gonne e re ka loso lo tsile ka motho, le tsogo ya baswi e tsile ka motho. Gonne botlhe ba tla phedisiwa ka Keresete jaaka botlhe ba swa ka Atame

Gonne tse di felang tse, di tshwanetse go apara bosafeleng; le tse di swang tse, di tshwanetse go apara bosasweng.

Gonne o tshwanetse go busa go ya o be o digele dira tsotlhe fa tlase ga dinao tsa gagwe. Mmaba wa bofelo yo o tla nyelediwang ke loso.