Popular Bible Verses from Roma 3

Share

Kua rave katoatoa oki i te ara, e kua ngere i te akameitaki a te Atua; I akatika uaia mai e tona aroa ua, i te ora e vai i te Mesia ra ia Iesu

Koia oki te tuatua-tika a te Atua i te akarongo anga ia Iesu Mesia, i te tangata katoatoa, e ki runga i te aronga ravarai e akarongo; kare ua e tu ke ke

Ko ta te Atua i tuku mai ei akaongi, kia irinaki i tona toto, ei akakite anga mai i tana tuatua-tika i te akakore anga i te au ara i raveia i muatangana, i te akakoromaki anga o te Atua; Ei akakite anga mai oki i tana tuatua-tika i teianei: kia tika tana tuatua, ka akatika mai ei aia i te tangata i akarongo ia Iesu ra.

E teianei, kare rava e tangata e akatikaia i mua i te aroaro o te Atua i te angaanga a te ture ra: no te ture mai oki te kite i te ara.

Koia oki tei tataia ra e, kare rava e tangata tuatua-tika, e okotai iti ake: Kare ua tetai i kite, kare rava tetai i kimi i te Atua: “Kua ope rava i te aere ke, e kua riro oki ratou ei mea puapinga kore: kare rava tetai i rave i te meitaki, e okotai iti ake.”

E teianei, teia ta matou tuatua, i akatikaia te tangata i te akarongo, auraka i te angaanga a te ture.

Kare rava ïa: kia riro atu te tangata ravarai ei pikikaa, e tuatua-mou rai ta te Atua; koia oki tei tataia ra e, “Kia tika taau me tuatua koe, e kia apa kore taau me akavaia koe.”