Popular Bible Verses from Roma 1

Share

Kare ua au i akama i te evangelia a te Mesia ra: no te mea, ko te mana ïa o te Atua, kia ora te tangata ravarai e akarongo ra; ko te ngati Iuda ana, e te Eleni katoa oki.

Tei reira oki te tuatua-tika a te Atua i te akarongo, i te akakite angaia mai ei akarongo anga, mei tei tataia ra e, Ko te tangata tuatua-tika i te akarongo ra, ka ora ïa.

Te au mea oki nona tei kore e tau kia akara ra, tei kitea puia nei ïa, i te au mea katoa i angaia nei, mei te maani anga mai i teianei ao; koia oki, tona ra mana mutu kore anga, e te Atua anga; kare ua atura o ratou kotoe anga.

No te mea e, kite ua rai ratou e, e Atua, kare ratou i akakakā iaia i tei tau i te Atua ra, kare oki i akameitaki atu; riro atura ta ratou eumiumianga ei mea puapinga kore, e to ratou ngakau manako kore, poiri atura ïa

Ko tei ruri ke i te tuatua-mou no te Atua ra ei pikikaa, e kua pure, e kua akamori i tei angaia ra, kare i Tei anga ra, nona te akameitaki mutu kore ra. Amene.

Kua akakiteia mai oki te riri o te Atua mei te rangi mai, i te au akono kore katoa i te Atua, e i te tuatua-tika kore a te tangata nei, ko tei tāpu i te tuatua-mou ma te tika kore

No reira te Atua i tuku uaʼi ia ratou ki te anoano viivii ra; na ta ratou au vaine oki i ruri ke i te mea tika ra i te mea tika kore: E te au tane katoa oki, akaruke atura i te mea tika ra i te vaine; tupu atura i to ratou anoano ratou ratou uaorai; e tane e e tane, i te rave anga i te mea akama ra, e te rauka anga te tutaki i roto ia ratou io i tei tau i ta ratou ra ara. E ko ratou kare i anoano i te tāpu i te Atua ma te kite atu, kua tuku ua atura te Atua ia ratou ki to ratou ngakau kino, kia rave ua na ratou i te au mea tika kore

I akatangata pakari oki ratou, e riro atura ei neneva; Ruri ke atura te meitaki o te Atua mate kore ra, ei mea angaia mei te tangata e mate ua nei te tu, e mei te manu, e mei te au mea vaevae a ra, e te au mea totoro aere nei.