Popular Bible Verses from Salamo 143

Share

E apii mai koe iaku kia rave au i to inangaro; ko koe oki taku Atua: kia aratakiia au e toou Vaerua meitaki i te enua o te aronga tiratiratu.

E akakite mai koe iaku i to aroa i te popongi; te irinaki nei oki au ia koe: e akakite mai koe kiaku i toku arataa kia aere ra; te apai atu nei oki au i toku vaerua kia koe.

E akaora koe iaku i toku au enemi, e Iehova: e pipini atu au i roto ia koe ra.

E akamaroiroi mai koe iaku, e Iehova, i toou ra ingoa; no taau ra tuatua-tika e tuku koe i toku vaerua i te tumatetenga nei.

E IEHOVA, e akarongo mai i taku nei pure; e ariu mai i to taringa ki taku e pati nei: e akarongo mai iaku i taau ra tuatua-mou, e taau ra tuatua-tika.

E akarongo vave mai koe iaku e Iehova; kua taravai toku vaerua: auraka koe e uuna i to mata iaku; kua tau oki au ki te aronga e riro ki raro i te rua ra.

Te manako nei au i te tuatau taito ra; te akamaaraara nei au i taau ra au angaanga katoa; te akaeatu ua nei au i te au angaanga a to rima ra.