Popular Bible Verses from Maseli 17

Share

E aroa mairai te taunga i te au tuatau katoa ra, i anau maira te taeake no te tuatau e tumatetengaʼi ra.

E meitaki to te ngakau rekareka mei te vairakau ra: e marō ra te ivi i te ngakau taitaia.

Ko tei tapoki i te ara ra, kua aruaru kia tauia mai ïa: ko tei akakite ra i te tuatua ra, e taka ke te taunga tumanava iaia.

Te tangata pakari, kare e rapurapu i te tuatua ra, e te tangata kite ra, e ngakau maru tona.

Ko te neneva katoa ra oki, kia muteki ua, e karangaia ïa i te tangata pakari: e tei topiri marie i tona vaa, e karangaia ia i te tangata kite.

E NGARI ake te manga kia mea ngiti marō ma te au, i te are i ki i te au puaka taia ma te karo.

E tau te akamataanga karo ki te ngaa anga vai ra: e akaruke ra i te karo ra, ka tupu aea te riri.

Ko tei akatika i te tangata kino ra, e ko tei akara i te tangata tuatua-tika ra, e mea viivii katoa raua na Iehova.