Popular Bible Verses from Maseli 13

Share

Ko tei kapiti katoa i tona aerenga ki to te aronga pakari ra, ka pakari katoa ïa: ko tei kapiti ra ki te aronga neneva ra, e mate ïa.

Ko tei tapapa i tona vaa, kua tiaki ïa i tona ora: ko tei amama ua ra i tona vaa, e mate tona.

Ko tei vaoo ua i te pāpā ra, kua riri ïa i tana tamaiti: ko tei aroa ra iaia, e ako ïa iaia i reira ra.

Kia tavareia te apinga tapapaia ra, e aati te manava: kia tupu ra te mea inangaroia ra, e tau ïa ki te rakau ora.

Ko te tuatua-tika te tāpu i te aronga apa kore i to ratou aerenga: e tatipokiia ra te rave ara e te kino.

Te apinga i rauka i te ravenga puapinga kore ra, ka iti ïa: ko tei rauka ra i te rima opu tikai ra, ka maata ïa.

Ko te ngakau parau anake te mea e tupu ei te karo: kareka te aronga i akarongo i te ako ra, te reira te pakari.

Te vaooia nei te kainga o te tangata meitaki no te tamariki a te au tamariki ra: e te vaooia nei te apinga a te tangata ara na te aronga tuatua-tika.

E AKONO te tamaiti pakari i te apii a te metua tane ra: kare ra te akavaavaa e akono i te ako.

Te putaua e te akama, tei te tangata kare e tika kia apiiia ra: ko tei akono i te ako ra, ka akangateiteiia ïa.