Popular Bible Verses from Mataio 23

Share

E tei rai i roto ia kotou nei, ei tavini ïa no kotou.

Te akateitei iaia uaorai, e akamoraroia ïa; e te akamoraro iaia uaorai, e akateiteiia ïa.

Aue kotou, e te au tata tuatua, e te au Pharisea e, e aronga pikikaa! te oronga nei kotou i te ngauru o te minete e te aneto e te kumino, e te akaruke nei i te au mea mamaata o te ture, te tuatua-tau, te aroa, e te akarongo: ko ta kotou ïa e akono e tikaʼi, e auraka katoa e akaruke i tera.

Aue kotou, e te au tata tuatua, e te au Pharisea e, e aronga pikikaa! te tamā nei kotou i to vao i te kapu e te mereki, kareka o roto, te ki nei ïa i te noinoi apinga, e te kaki anga kore.

E ae oki koe, e Ierusalema e, e Ierusalema e, tei ta i te au peroveta, e tei peî oki ki te toka te aronga i tonokia atu ia koe na, manganui toku inangaro anga i te akaputuputu i to tamariki, mei te moa e akakoukou i tana anaunga i raro ake i tona peau, kare ra i tika ia kotou!

Koia katoa kotou na, mei te aronga tuatua-tika kotou i vao ake i ta te tangata nei akara anga, ko roto ra, te ki nei ïa i te pikikaa e te kino.