Popular Bible Verses from Malaki 3

Share

Ka apai mai na kotou i te ngauruanga o te au apinga ravarai ki roto i te are vairanga, kia mangaia taku are nei, ei timata anga te reira iaku nei i tenana, te tuatua mairā Iehova Sabaota ra; i te kore anga au i te kiriti anga i te au māramārama o te rangi ra, ka riringi atu ei i te apinga maata ua atu, kare e ngai e o ei, ei meitaki no kotou.

E no kotou e akamura atu ei au i te kai aere, e auraka aia e kai i te manga o to kotou enua; e kare oki ta kotou vine i roto i te kainga e akamakaioreia, te tuatua mairā Iehova Sabaota ra. Ka tuatuaia oki e te pa enua katoa, Ko kotou tei meitaki, e riro oki kotou ei enua inangaroia, te tuatua mairā Iehova Sabaota ra.

E ka riro ratou noku, te tuatua mairā Iehova Sabaota ra, i te rā i akatakaia e au ra, ei apinga meitaki rava ra; e naku e akaperepere ia ratou, mei te tangata e akaperepere i tana uaorai tamaiti kia tavini atu kiaia ra. Ei reira kotou e kite akaou ei i te tu ke anga i te tangata tuatua-tika e te tangata kino, i te tangata i akamori i te Atua, e i tei kore i akamori iaia.

I NA, e tono au i taku karere, e nana e akamaka i te ara i mua iaku, e te Atu ta kotou e kimi na, ko te ka tae vave mai ïa ki tona ra nao, koia oki te karere a te koreromotu ta kotou i rekareka na: i na, e tae mai aia, te tuatua mairā Iehova Sabaota ra.