Popular Bible Verses from Luka 18

Share

KUA akakite katoa atura aia i te parabole, kia tamou marie ratou i te pure, auraka e maromaroa

Kare aina oki te Atua e akatika mai i tona uaorai tangata i ikiia ra, ko tei kapiki atu iaia i te po e te ao, e tavare ainei aia i ta ratou tuatua? E karanga atu au kia kotou, Kare rava e mamia, e akatika mai aia ia ratou. Kia tae maira te Tamaiti a te tangata nei, e kitea ainei e ia te akarongo i te enua nei?

Kua karanga atura aia, Ko te au mea e kore e tika i te tangata nei, e tika ïa i te Atua.

E kare akera aia i akatika vave mai: e muri akera, kua na ko iora i roto iaia uaorai, Kore ua atu rai au i te mataku i te Atua ra, e te akono i te tangata nei; No te mea ra, te māro mai nei teianei vaine takaua iaku, e akatika atu au i tana tuatua, ka manamanata aea au iaia i te aere putuputu anga mai.

Koia mou taku e karanga atu kia kotou na, Te kore e āriki i te basileia o te Atua mei te tamariki mea riki ra, kare takiri aia e o ki reira.

Kua karanga aturā Iesu kia ratou ra, na ko atura, Ka tuku mai ana i te tamariki mea riki, kia aere ua mai kiaku nei, auraka e akakoreia atu; mei ia ratou nei oki to te basileia o te Atua.

Kua karanga aturā Iesu kiaia, Kia puera to mata, kua ora koe i toou akarongo.

Kua karanga aturā Iesu kiaia, Eaa koe i akameitaki mai ei iaku? ko te Atua anake ra te meitaki.