Popular Bible Verses from Iakobo 3

Share

Kareka te pakari no runga maira, e mea iro koreia ïa, e mea au ïa, e te maru, e te akarongo ngoie, kua ki ïa i te aroa, e te takinga-meitaki, kare oki e akatu ke i te tangata, kare oki e pikikaa.

Koai te tangata pakari e te kite i roto ia kotou na? kia na te akono meitaki aia i te akakite mai i tana angaanga ma te maru e te pakari tikai.

E ruruia oki te tuatua-tika ma te au na te aronga e akatupu i te tuatua au ra.

Te vai ra oki te vareae, e te tauetono, tei reira katoa te oripu ua e te au tuatua kikino katoa ra.

Te akameitaki nei tatou i te Atua ra i to tatou Metua i te reira; e te akakino nei tatou i te tangata, i tei angaia i to te Atua ra tu, i te reira. Te puroro nei no roto i taua vaa okotai nei, te akameitaki e te akakino. Auraka rava e tika te reira, e aku au taeake.

E ai katoa te arero nei, e putunga no te au kino ravarai nei: e viivii te kopapa katoa nei i te arero, ko te tu ïa o tona vai ranga i roto i te au melo nei; i tutungiia aia i te ai o te po, e tutungi aia i te au mea katoatoa.

Kareka te arero nei, kare ua e tangata e vi ei te reira; e kino mate kore ïa, kua ki ia i te kavangia.

E AKU au taeake e, auraka kia maata ua i te akaorometua ia kotou io, kua kitea oki e ko tatou te ka akaapa maataia.