Popular Bible Verses from Swivuriso 22

Share

Komba n'wana wa wena ndlela ya vutomi a ha ri ntsongo, leswaku ni loko a kurile, a ta ka a nga hambuki eka yona.

Titsongahate, u chava HOSI Xikwembu, kutani u ta kuma rifuwo, ni ku dzuneka, ni vutomi.

Ku va ni vito lerinene, swi tlula ku va ni rifuwo lero tala, ku tsakeriwa, swi tlula silivhere ni nsuku.

U nga tshuki u endla xinakulobye ni munhu wa ximbilwa-mbilwana, hambi munhu wa tihanyi, u nga tolovelani na yena

Munhu loyi a hananaka, ú ta katekisiwa, hikuva leswi a nga na swona, ú dya ni swisiwana.

Munhu la twisisaka, ú vona khombo ra ha ri kule, kutani a tumbela, kasi lowo-ke-mano, ú tihoxa eka rona, kutani endzhaku a tilaya.

Xisiwana xi ta fumiwa hi n'wankumi, ni mulombi ú ta va hlonga ra loyi a lombeke eka yena.

Swifumi ni swisiwana swi hlangana eka xilo xin'we: Hinkwavo va endliwile hi HOSI Xikwembu.

U nga tshuki u tekela xisiwana swilo swa xona hi mhaka ya leswi xi nga xisiwana, ni loko ku tengiwa timhaka, lava nga riki na nchumu, u nga va tshikeleli, hikuva HOSI Xikwembu xi ta va lwela, kutani xi herisa vutomi bya lava va va xanisaka.