Popular Bible Verses from Swivuriso 2

Share

HOSI Xikwembu hi xona xi nyikaka vutlhari, vutivi ni ku twisisa swi huma eka xona

N'wananga, amukela leswi ndzi ku byelaka swona, u hlayisa milawu ya mina, rhiya ndleve u yingisa swa vutlhari, u tikarhatela ku twisisa swilo; ndzi ri, rilela vutlhari, u kombela ku twisisa, swi hlote ku fana ni silivhere, u swi lava ku fana ni xuma lexi fihliweke, kutani u ta twisisa leswaku ku chava HOSI Xikwembu swi vula yini, u tlhela u xi tiva.

lava lulameke, xi va hlayisela minkateko, HOSI Xikwembu i xitlhangu xa lava tshembekeke, hi xona xi sirhelelaka maavanyisele layo lulama, xi rindza tindlela ta vahlawuriwa va xona.

hikuva lava lulameke, hi vona va nga ta tshama etikweni, eka rona, ku ta aka lava tshembekeke, kambe lavo homboloka va ta hlongoriwa etikweni, vakanganyisi va ta susiwa eka rona.

Vutlhari byi ta ku ponisa eka wansati wa dlakuta, loyi a nga tshembekangiki, wa marito yo tsokombela, la tshikeke loyi a n'wi tekeke evuntshweni bya yena, a tshova ntwanano wa yena ni Xikwembu xa yena.