Popular Bible Verses from Swivuriso 17

Share

Loyi a nga nakuloni, wa ku rhandza minkarhi hinkwayo, loko u ri ekhombyeni, i makwenu wa xiviri.

Ku tsaka ka mbilu, swi tshungula miri, ku khunguvanyeka, swi heta matimba.

Loyi a rivalelaka van'wana, ú rhandza xinakulobye, kasi loyi a nga ni xikhomela, ú onha vunghana.

Loyi a pimaka marito ya yena loko a vulavula, ú ni vutivi, munhu wo twisisa, ú kota ku tikhoma.

Hambi xiphukuphuku xinene, loko xi te whíí, munhu a nga ku, xi tlharihile; loko xi pfale nomo, u ngo, xi na yona miehleketo.

Ku dya rikoko ra xilondza laha ku nga ni ku rhula, swi tlula ku dya mafehlefehle emutini wa madzolonga.

Ku sungula ka mhaka, swi fana ni ku ndlandlamuka ka mati loko nambu wu tala, hikokwalaho, suka u famba timhaka ti nga si biha.

Loyi a yimelelaka lowo homboloka, ni loyi a lumbetaka munhu wo lulama, HOSI Xikwembu xa va venga hinkwavo.