Popular Bible Verses from Swivuriso 12

Share

Ku vilela ku heta munhu matimba, kambe marito lamanene ma n'wi tiyisa.

Loyi a rhandzaka ku tsundzuxiwa, ú rhandza vutivi, kambe loyi a vengaka ku tshinyiwa, wa hlanya.

Vanhu vo hatla ku vulavula, marito ya vona ma tlhava ku fana ni fumu, kasi marito ya lavo tlhariha ma horisa.

Xiphukuphuku xi tivona xi ri endleleni leyo lulama, kasi munhu wo tlhariha ú amukela switsundzuxo.

Xiphukuphuku xi hatla xi komba ku khunguvanyeka ka xona, kambe munhu loyi a ehleketaka, wa swi kota ku tikhoma, loko a rhuketeriwa.

Wansati wa migingiriko i harhi ya vuhosi enhlokweni ya nuna wa yena, kasi wansati loyi a khomisaka nuna wa yena tingana, ú fana ni vuvabyi lebyi borisaka marhambu.

HOSI Xikwembu xi nyenya lava vulavulaka mavunwa, kambe lava tshembekaka, xa va tsakela.

Lowo lulama ú hambana ni leswo biha, kasi mikhuva ya lavo homboloka ya va lahla.

Marito ya ntiyiso ma tshama hilaha ku nga heriki, kambe mavunwa a ma tlhaveli hi sana.