Popular Bible Verses from Marka 14

Share

A ku: “Abba, Tatana! Eka wena hinkwaswo swa endleka; xinwelo lexi xi tshinete kule na mina; ntsena ku nga endliwi ku rhandza ka mina, kambe a ku endliwe ku rhandza ka wena.”

Hitekani mi khongela, leswaku mi nga ngheni emiringweni hikuva moya wa swi lava, kambe nyama yi tsanile.”

Ndzi tiyisile ndzi ri ka n'wina: Emisaveni hinkwayo laha Evhangeli leyi yi nga ta twarisiwa kona, leswi a nga swi endla swi ta vuriwa na swona, a anakanyiwa ha swona.”

a ku ka vona: “Moya wa mina wu khomiwa hi gome lerikulu, gome ra ku fa; salani kwala, mi hiteka.”

Loko va ha ri eku dyeni, a teka xinkwa, kutani loko a nkhensile, a xi phema, a nyika vadyondzisiwa, a ku: “Tekani; leswi i miri wa mina.”

Kutani a teka xinwelo, a nkhensa, a va nyika xona; va nwela ka xona hinkwavo. A ku ka vona: “Leswi i ngati ya mina, ngati ya ntwanano, leyi halateriwaka lavo tala.

Yesu a ku ka vona: “Hinkwenu mi ta khunguvanyeka, hikuva ku tsariwile leswaku: “ ‘Ndzi ta ba murisi, kutani tinyimpfu ti ta hangalaka.’

Sukani, mi yima, a hi yeni! Langutani, la ndzi xengaka ú le kusuhi.”

Yesu a ku ka yena: “Ndzi tiyisile ndzi ri ka wena, namuntlha, vusiku byebyi, nkuku wu nga si ringa kambirhi, u ta va u ndzi landzurile kanharhu.”