Popular Bible Verses from Marka 12

Share

Yesu a n'wi hlamula, a ku: “Nawu lowo rhanga hi lowu nge: ‘Yingisa we Israele, Hosi Xikwembu xa hina i Hosi yi ri yoxe, a ku na yin'wana. Rhandza Hosi Xikwembu xa wena hi mbilu ya wena hinkwayo, ni moya wa wena hinkwawo, ni ku anakanya ka wena hinkwako, ni matimba ya wena hinkwawo.’ Nawu wa vumbirhi hi lowu nge: ‘Rhandza munhu-kuloni, kukota loko u tirhandza.’ A ku na nawu wun'wana lowu tlulaka milawu yoleyo.”

Yesu a vitana vadyondzisiwa va yena, a ku ka vona: “Ndzi tiyisile ndzi ri ka n'wina, noni leyi ya xisiwana yi humesile ku tlula hinkwavo lava nga hoxa mali exibyeni xa nhlengo, hikuva hinkwavo va humesile hi ku pambula eka leswo tala swa vona, kasi wansati loyi ú humesile hinkwaswo leswi a a ri na swona evusiwaneni bya yena, swi nga hinkwaswo leswi a a ta tihanyisa ha swona.”

Yesu a a tshamile kusuhi ni xibya xa nhlengo wa Tempele, a languta hilaha vanhu va hoxaka mali exibyeni hakona; vafuwi lavo tala a va hoxa mali leyo tala. Ku ta ni noni leyi a yi ri xisiwana, yi hoxa swimalana swimbirhi leswi lavaka ku ringana sente yin'we ntsena.

Loko ku ri ‘ku rhandza Hosi Xikwembu hi mbilu hinkwayo, ni ku anakanya hinkwako, ni matimba hinkwawo’, swin'we ni ‘ku rhandza munhu-kulobye, tanihi loko munhu a tirhandza’, swi tlula magandzelo hinkwawo lama hisiwaka ni timhamba hinkwato.”

Hiloko Yesu a ku: “Nyikani Khezari leswi nga swa Khezari, ni Xikwembu leswi nga swa Xikwembu.” Kutani va hlamala ngopfu hi ku hlamula ka yena.