Popular Bible Verses from Matewu 24

Share

Kutani rirhandzu ra lavo tala ri ta sungula ku titimela, hikuva ku homboloka ku ta va ku andzile. Kambe loyi a tiyiselaka ku fika makumu, hi yena loyi a nga ta ponisiwa.

Kutani Evhangeli leyi ya Mfumo yi ta twarisiwa emisaveni hinkwayo, leswaku yi va vumbhoni eka vanhu va matiko hinkwawo; kutani hi kona makumu ma nga ta fika.

Mi ta twa huwa ya tinyimpi ni mahungundlela ya tinyimpi; tivoneleni leswaku mi nga tshukisiwi, hikuva sweswo swi fanele ku humelela, kambe a hi wona makumu.

Tiko rin'wana ri ta pfukela tiko rin'wanyana, mfumo wun'wana wu ta lwa ni mfumo wun'wanyana; ku ta va ni tindlala, ni ku tsekatseka ka misava ematlhelweni layo tala. Swilo leswi hinkwaswo i ku sungula ka mahlomulo.

Tilo ni misava swi ta hundza, kambe marito ya mina ma nga ka ma nga hundzi.

Hikuva lavo tala va ta ta hi vito ra mina, un'wana ni un'wana a ku: ‘Hi mina Mesiya’, kutani va ta xisa lavo tala.

“Enkarhini wolowo va ta mi nyiketa eku xanisiweni, va mi dlaya; mi ta vengiwa hi vanhu va matiko hinkwawo hikwalaho ka vito ra mina. Kutani lavo tala va ta khunguvanyeka; va ta hehlana, va vengana. Ku ta humelela vaprofeta va mavunwa lavo tala, va ta xisa vanhu lavo tala.

Yesu a va hlamula a ku: “Tivoneleni leswaku mi nga tshuki mi xisiwa hi munhu.

Hikokwalaho na n'wina, tshamani mi tilunghisile, hikuva N'wana-wa-Munhu ú ta ta enkarhini lowu mi nga wu ehleketiki.

Hitekani ke, hikuva a mi tivi siku leri Hosi ya n'wina yi nga ta ta ha rona.

“Loko ri ri siku ra kona ni nkarhi wa kona, a ku na loyi a swi tivaka, hambi ti ri tintsumi ta le matilweni, hambi a ri N'wana; swi tiviwa hi Tatana ntsena.

Hikuva ku ta humelela Vamesiya va mavunwa, ni vaprofeta va mavunwa, va ta endla mahlori lamakulu ni swihlamariso, ku xisa hambi va ri vona vahlawuriwa va Xikwembu, loko swi endleka.

Ku vuya ka N'wana-wa-Munhu ku ta fana ni leswi humeleleke emasikwini ya Nowa. Hikuva emasikwini walawo, loko ndhambi ya mati yi nga si ta, vanhu a va ri eku dyeni, va nwa, va hlomisa ni ku hlomiselana, ku ko ku fika siku leri Nowa a ngheneke engalaveni ha rona; a va nga anakanyi nchumu ku kondza loko ndhambi leyi ya mati yi ta, kutani yi va kukula hinkwavo; swi ta va tano ni le ku vuyeni ka N'wana-wa-Munhu.