Popular Bible Verses from Matewu 19

Share

Yesu a va langutisisa, a ku: “Loko va ri vanhu, leswi swa va tsandza, kambe Xikwembu xona a xi tsandzi hi nchumu.”

Swi vula leswaku a va ha ri vambirhi, kambe i nyama yin'we ntsena. Hikwalaho ke leswi Xikwembu xi swi hlanganiseke, swi nga tshuki swi hambanisiwa hi munhu.”

Yesu a va hlamula a ku: “A mi hlayanga xana marito lama nge: ‘Eku sunguleni Mutumbuluxi ú endlile munhu wa xinuna ni munhu wa xisati’ xana? Naswona Mutumbuluxi ú te: ‘Hikwalaho ka swona wanuna ú ta sukela tata wa yena ni mana wa yena, a namarhela nsati wa yena; kutani lavambirhi va ta va nyama yin'we ntsena.’

Hiloko Yesu a ku: “Tshikani vana, mi nga tshuki mi va sivela ku ta eka mina, hikuva Mfumo wa matilo i wa lava fanaka na vona.”

Vanyingi lava nga va le mahlweni va ta va va le ndzhaku, ni va le ndzhaku va ta va va le mahlweni.

Kutani un'wana ni un'wana la tshikeke tindlu ta yena, kumbe vamakwavo va xinuna ni va xisati, kumbe tata wa yena, kumbe mana wa yena, kumbe vana, kumbe masimu, hikwalaho ka vito ra mina, ú ta nyikiwa swona ka dzana, a tlhela a dya ndzhaka ya vutomi lebyi nga heriki.

Yesu a ku ka yena: “Loko u lava ku va la hetisekeke, famba u ya xavisa leswi u nga na swona, u nyika swisiwana, hikona u nga ta va ni xuma ematilweni; kutani u ta, u ndzi landza.”

Yesu a n'wi hlamula, a ku: “U ndzi vutisela yini hi ta leswinene xana? Lonene i un'we ntsena. Kambe loko u lava ku nghena evutomini, hlayisa Milawu.”

Ndzi engeta ndzi ku ka n'wina: Swi nga olovela kamela ku nghena hi ntuva wa neleta, ku ri ni leswaku mufuwi a nghena eMfun'weni wa matilo.”

Mina ndzi ri: Un'wana ni un'wana la tshikaka nsati wa yena, loko ku nga ri hi mhaka ya vunghwavava, kutani a teka un'wana, wa oswa.”

Kutani Yesu a ku ka vadyondzisiwa va yena: “Ndzi tiyisile ndzi ri ka n'wina: Swi ta nonon'hwa eka mufuwi ku nghena eMfun'weni wa matilo.