Popular Bible Verses from Luka 5

Share

Loko a hetile ku vulavula, a ku ka Simoni: “Tlutelani exidziveni, mi peta tinkoka ta n'wina kona, mi phasa.”

Kambe Simoni a hlamula a ku: “N'wini wanga, hi tirhile vusiku hinkwabyo, hi nga phasi nchumu; kambe hi ku vula ka wena, ndzi ta peta tinkoka.” Va endlisa sweswo, kutani va phasa tinhlampfi leto tala ngopfu, tinkoka ta vona ti ko ti lava ku handzuka.

Kambe a a pfa a suka, a ya khongela a ri yexe.

A ndzi tanga ku ta vitana lava lulameke, kambe vadyohi, leswaku va hundzuka.”

Loko Simoni Petro a swi vona, a nkhinsama emilengeni ya Yesu, a ku ka yena: “Suka ka mina Hosi, hikuva ndzi mudyohi.”

Yesu a va hlamula a ku: “Lava tsakeke emirini a va lavi n'anga, kambe yi laviwa hi lava vabyaka.

Kuteloko va vuyiserile mabyatso eribuweni, va siya hinkwaswo va n'wi landza.

Kakuloko a ri emutini wun'wana, ku ta wanuna la taleke hi nhlokonho; kutani loko a vona Yesu, a tiwisela hansi hi mombo, a n'wi khongela, a ku: “Hosi, loko u swi rhandza, u nga ndzi basisa.” Kutani Yesu a tshambuluta voko, a n'wi khumba a ku: “Ndza swi rhandza, hlantsweka u basa!” Hi nomu lo nhlokonho yi suka eka yena.

Kambe ku twakala ka Yesu ku ya ku hangalaka; mintshungu leyikulu yi ta ku ta n'wi yingisa, ni ku hanyisiwa hi yena.