Popular Bible Verses from Luka 3

Share

Loko vanhu hinkwavo va khuvuriwa, ni loko Yesu na yena a khuvuriwile, matilo ma pfuleka a ri karhi a khongela; Moya lowo Kwetsima wu xikela henhla ka yena, wu ri ni xivumbeko lexi fanaka ni xa tuva; kutani rito ri huma etilweni ri ku: “U N'wananga la rhandzekaka, loyi ndzi n'wi tsakelaka swinene.”

Yohane a va hlamula hinkwavo, a ku: “Loko ndzi ri mina, ndzi mi khuvula hi mati, kambe wa ta un'wana loyi a ndzi tlulaka hi matimba, loyi swi nga ndzi faneriki ku ntshunxa ngoti ya tintanghu ta yena; yena ú ta mi khuvula hi Moya lowo Kwetsima ni ndzilo.

Vekani mihandzu leyi fambelanaka ni ku hundzuka ka n'wina! Mi nga anakanyi mi ku, mi na Abrahama, yena tata wa n'wina, hikuva ndzi ri ka n'wina: Xikwembu xi nga pfuxela Abrahama evana hi maribye lawa.

Ni sweswi xihloka xi vekiwile etimitswini ta mirhi; murhi wun'wana ni wun'wana lowu nga vekiki mihandzu leyinene, wu ta tsemiwa wu hoxiwa endzilweni.”

Hi swona leswi nga tsariwa ebukwini ya muprofeta Esaya, loko a te: “Rito ra munhu la huwelelaka emananga, ri ri: ‘Khulelani ndlela ya Hosi, mi lulamisa magondzo ya yona. Minkova hinkwayo yi ta gandleteriwa, tintshava hinkwato ni switsunga hinkwaswo swi ta hindzimuxiwa; leswi gombonyokeke swi ta lulamisiwa, ni tindlela to biha ti ta khuleriwa, kutani munhu un'wana ni un'wana ú ta vona hilaha Xikwembu xi ponisaka vanhu hakona.’ ”