Popular Bible Verses from Luka 13

Share

“Ringetani hi matimba ku nghena hi nyangwa leyo khuma, hikuva ndza mi byela leswaku lavo tala va ta navela ku nghena, kambe va ta tsandzeka.

A ku ri ni wansati kwalaho loyi a heteke malembe ya 18 a ri karhi a karhatiwa hi moya lowu nga n'wi lamata miri; a a nkhunkhusela kunene loko a famba, a tsandzeka hambi ku ri ku ololokanyana. Kutani loko Yesu a n'wi vona, a n'wi vitana a ku: “Manana, u ntshunxiwile eku lamaleni ka wena.”

A n'wi tlhandleka mavoko, kutani wansati a ololoka kan'we-kan'we, a dzunisa Xikwembu.

Ina ke, van'wana lava va nga va le ndzhaku, va ta va va le mahlweni, ni van'wana va le mahlweni, va ta va va le ndzhaku.”

Loko n'wini wa muti a pfuka, a ya pfala nyangwa, n'wina mi nga yima le handle, mi ta sungula ku gongondza, mi ku: ‘Hosi, hi pfulele!’ Kambe ú ta mi hlamula a ku: ‘A ndzi tivi leswaku mi huma kwihi.’

E-e, kambe ndzi ri ka n'wina, loko mi nga hundzuki mi ta lovisa xisweswo hinkwenu.”

Yena ú ta engeta a mi hlamula a ku: ‘A ndzi tivi leswaku mi huma kwihi; sukani eka mina, n'wina hinkwenu lava endlaka leswi nga lulamangiki.’

Yesu a engeta a ku: “Xana Mfumo wa Xikwembu wu fana na yini? Ndzi ta wu fanisa ni yini ke? Wu fana ni ndzhoho ya murhi wa sinapi leyi munhu a nga yi teka, a ya yi byala entangeni wa yena; kutani yi mila, yi hundzuka nsinya, kutani tinyanyana ti ta, ti ta aka emarhavini ya wona.”