Popular Bible Verses from Genesa 19

Share

Kambe nsati wa Lota a hundzuluka a languta endzhaku, kutani a hundzuka tshuka ra munyu.

Loko Lota a ha rhendzeleka-rhendzeleka, vavanuna lava va tintsumi va n'wi khoma hi voko, va khoma ni nsati wa yena ni vana va yena lava vambirhi va va humesa va ya va tshika ehandle ka muti, hikuva HOSI Xikwembu a xi twela Lota vusiwana.

Loko va va humeserile ehandle ka muti, HOSI Xikwembu xi ku ka Lota: “Loko u lava ku pona, tsutsuma u nga languti endzhaku, naswona u nga yimi laha nkoveni; tsutsumela etintshaveni u ta ka u nga lovisiwi.”

Loko Xikwembu xi herisa miti ya le nkoveni leyi Lota a a tshama eka yona, a xi ri karhi xi tsundzuka Abrahama; hikokwalaho, xi humesile Lota xi n'wi susa emitini leyi a xi lava ku yi herisa.