Popular Bible Verses from I Yohane 1

Share

Kambe loko hi tivula swidyoho swa hina, Xikwembu xa tshembeka, xi avanyisa hi ku lulama, kutani xi ta hi rivalela swidyoho swa hina, xi hi hlantswa xi susa ku homboloka ka hina hinkwako.

Kambe loko hi famba eku vonakaleni, kukota leswi xona xi nga eku vonakaleni, ha twanana, hi ni xinakulobye, kutani ngati ya Yesu N'wana wa xona ya hi hlantswa yi susa swidyoho hinkwaswo.

Loko hi vula leswaku a hi dyohi, ha tixisa, kutani ntiyiso a wu kona eka hina.

Mahungu lawa hi ma tweke eka N'wana, lawa hi mi tivisaka wona, hi lawa: Hileswaku Xikwembu i ku vonakala, kutani eka xona ku hava munyama nikutsongo. Loko hi vula leswaku hi ni xinakulobye na xona kambe hi ri karhi hi famba emunyameni, ha hemba, kutani a hi hanyi hi ku landza ntiyiso.

Loko hi vula leswaku a hi dyohanga, hi xi endla muhembi, kutani Rito ra xona a ri kona eka hina.