Popular Bible Verses from Matiu 9

Share

Sakini kei viteni min meatin keil onen|Meatin keil onen Iesu vit, “Anien houlu mules en ah, ka meatin toumien keil arvinvintei keke avaha avasuhut eni. Sakini, mihehis min Asuv ten ah keke hesila meatin toumien hehi houlu mun iha isuhut en ah osen.”

Ka kami, miheha ka mihehotin aneite ten selusien onen Ahi koanek koa mul en Tus Votut koa vit, ‘Ek rovattei sanien votut keil enges onami, ka ek vat imok keke emi hemahis meatin sav keil.’ Veni narmaitei mahise meatin keil koa avit moulien one mal tuai keke avahiles avousil nau. Vuo, numai keke mahise meatin keil koa alei kilea tisaen keil one keke avahiles avousil nau.”

Navong kei les marmari vangi meatin keil, tin vilelau en enmahisien ven keil, veni rendemien one langlango ka areingeingeni avalekat kataunien en out kave. Iesu les keil asuval sipsip keil koa meatin talosilkatien one tovuol.

Ka navong Iesu raengoni, kei viteni vit, “Meatin keil koa armesaitei arvatei avales dokta tai. Koakeil enges amesai uva avalesi.

Iesu mual rokol taon keil ka meteimal vasi keil en out enek. Navong mul va, kei vihisei en eim tahihiseien onen Siu keil, vitehiten more longlongien usil hiasuvien onen Ahi, ka sak revi meatin vasi keil koa akur mesaien savsav keil.