Popular Bible Verses from Matiu 5

Share

Meatin tovuol vanit laet tai ka, evus, mul kav koe en pesin tai. !Vuo! Keil alingi nesa en out arekein laet ien keke kilea vatitin revi out vasi neim ven meatin keil koa aro ien. En vati sakien enek, laet ten demkatien onami hetitin revi ven meatin keil. Hemukonek, navong keil iles more sakien keil onami, keil ihat lat isen Tata onami koa ro en out nesa.”

“Kami misuval laet koa ritin va min meatin keil en out netan. Ka suval taon koa mul en hoi hou nesa sakras vato suai veni laet koa mul ien, kami mun, meatin keil ilei kilea laet koa mul en kami.

Tokolkatien hel en koakeil amusil kat Ahi ral min rendemien koa mutolas, veni hemukonek, keil iles Ahi en mete.

Tokolkatien hel en koakeil e vati mok keke moulien one hemal vasi en meten Ahi, veni hemukonek, houmoni hehi anatin en moulien one.

Ka inau naviteni min kami keke emi hehat koakeil avi vativieh ral min kami ka mihehis ven koakeil asan mahien min kami.

Iesu viteni min keil vit, “Tokolkatien hel en koakeil alei kilea arvinvintei en meten Ahi, veni hemukonek, kei hehi asuv houlu one ka helosil kat revi keil.

Tokolkatien hel en koakeil aling tomat en meatin keil, veni hemukonek, ihise keil en titan Ahi.

Tokolkatien hel en koakeil amurang veni alonge tisa, veni hemukonek, Ahi hehati lat rendemien one.

Tokolkatien hel en koakeil akur mahien veni amum mal, veni hemukonek, Ahi hehi asuv houlu one ka helosil kat revi keil.

Tokolkatien hel en koakeil e mahis meatin sav keil, veni hemukonek, Ahi hetie lat sakien ten enmahisien min keil.

“Tokolkatien hel en kami navong meatin keil aselus karen kami, asan mahien min kami, ka aviten luvosien tatisaso houlu vakat kami veni mimusil kat inau. Anatin, en vati sakien koanik, asan mahien min provet keil koa amul amulamu en kami. Ka mihesi kami veni mihekur ui umen onami koa hemariso mok en out nesa.”

Tokolkatien hel en koakeil amerau ka rendemien one mul netan, veni hemukonek, Ahi hesan out vasi netan min keil avalosil kati.

Iesu selus eris vit, “Kami misuval sol koa arivini en meatin keil en out netan. ?Ka munak kasien ten sol vuol rani, umon kasien teni hemai ris eni hemukave? !Asakras avoumoni! Sol koa kasien tovuol ien sakras voumon etai tounah. Tahos avasonis vaha keke meatin keil avahetan eni.

“En sakien vasi keil onami ka en rendemien vasi keil emun, mihemal revi hesuval Tata onami en out nesa mal revi mok.”

Sakini, navong miviten tounah tai, mihehitenis keke ‘anatin numoni,’ vuo ‘nirmumontei.’ Ka hevus, mihoumoni suk. Veni navong misak visi keke mivasuv kat selusien onami en etai tounah, sakien koanek ka ven Temat.”

Iesu mules visein meatin keil vit, “Kami milonge keke Mosis meng kat avu keil onami telamu vit, ‘Munak mipurun meten meatin sav, akilea avapurun metomi. Ka munak mimuti lat lohon meatin tai, akilea avati lat lohomi tai.’ Ka inau naviteni min kami keke minasa kestei tounah koa meatin tai mumoni tisa min kami. Munak meatin tai kovas veasom en usite matu, kimaeni heovas usite meil emun.

“Munak usi metom koa matu sakinuk kumot en tisaen, kikis lati ka kisoni heha. Tahos imok hati vem tai hevuol, lohlin munak ason avem vasi hevuol en Ahang koa sakras vamat. Ka munak hem koa matu sakinuk kumot en tisaen, kita kotehei ka kisoni heha. Tahos imok hati vem tai hevuol, lohlin munak kiha en Ahang koa sakras va mat hetal min avem vasi.”