Popular Bible Verses from Matiu 15

Share

Ka tounah koa miselus eni ral min ongomi kistal en tinomi, ka keil varei amul amumon meatin romutotei en meten Ahi. Veni navong tin meatin tisa, kei kilea voumon vati sakien keil ekek: mundem usil tounah tatisa keil, mu vini meatin sav keil, mul venan ahin sav, mul mum tisa ral min ahin sav keil, mul venan tounah, mul luvos meatin sav keil en kot, ka mul purun isen meatin keil.

Rovitei tounah koa va neim en ongon meatin vasakini kei varmutotei en meten Ahi. !Vuo, sakras! Ka selusien koa mea ran ongon, kei enges kilea vasakin meatin varmutotei en meten Ahi.”

‘Meatin keil ekek avouhou minau ral min selusien keil one, ka tine mul soutin ranau. Avaseini keil uva netan minau, ek rovattei mailea. Veni amul avisein meatin keil en hihiseien keil koa ka en meatin keil enges, ka aviteni min keil keke avi hihiseien keil kati onak!’”

Evus, Iesu viteni mini vit, “!Ei mama! !Demkatien onom mariso! Asa koa kovis inau eni, kei hekistal hehi anatin.” Ka hatte tas, natnahin mai ris tahos.

Ka ahin Kenan enek mai ka retengeiril veni ka peah risi keih vit, “!O Asuv, kikataunau li!” Ka kei vit kesi mini vit, “Romaltei keke avakur anien an titiali keil ka avasonis vaha min huli keil.” Ka ahin vit kesi mini vit, “Asuv, koanek anatin eli. Ka huli keil emun koa amul rahiti akilea avaan soke anien koa asuv one kan rani.”