Popular Bible Verses from Gyn 14

Share

Kayɩɩ‐yuuli kɩ baa kɩ bʋ fanɛ asɛ, mɛ gbaa‐gbaa kayɩɩ‐yuuli nɩɩ n sʋ n sa fanɛ. Amaa ɩ man du fɛɛ dulinyaa kayɩɩ‐yuuli mʋ nɩɩ bɛɛ sa mʋ. Fan man yɛgɛ fanɛ nkɔlɔ i nyita, fan man waa kufuu.

Nɩɩ Yesu lɛɛ kɔnɔ yɛ, “Mɛ ɩ gyɛ ɔkpa mʋ yɛ kesintin mʋ yɛ nkpa mʋ. Ɔkʋ mɛɛ taalɛ kpee Mɛ‐Sɛ asɛ, amɔɔ ɔ bɔla mɛ sʋ.

Nɩɩ Yesu tɔwɛ mʋ abɩɩlapʋ mʋ yɛ, “Fan man yɛgɛ fanɛ nkɔlɔ ɩ ŋmaa fanɛ. Fan kɔɔlɛ Ɩbwaarɛ gyii kɛ fan kɔɔlɛ ngbaa mɛ gyii.

Amaa Ɔkyɛtɔpʋ mʋ nɩɩ ɔ gyɛ Kayaayu Kyɩrɛkyɩrɛ, mʋ nɩɩ Mɛ‐Sɛ mʋ ii biti o sun mɛ kɩtɩɩ tɔ mʋ, ii biti ɔ kaapʋ fanɛ kʋtɔ kʋmaa kɛ o nyiŋi fanɛ kʋtɔ kʋmaa mʋ nɩɩ n tɔwɛ fanɛ falɛ.

“Ɔkʋmaa mʋ nɩɩ ɔ kɔɔlɛ mɛ kɔnɔsa, nɩɩ o buu ɩmʋ mʋ, mʋ ɩ gyɛ ɔmʋ nɩɩ ɔ sʋ kebiti sa mɛ. Ɔkʋmaa mʋ nɩɩ ɔ sʋ kebiti sa mɛ mʋ, Mɛ‐Sɛ gbaa ii biti ɔ nyɛ kebiti sa mʋ. Ngbaa mɛ n biti n nyɛ kebiti sa mʋ, kɛ n lɛɛ mɛ n‐yɩɩ kaapʋ mʋ.”

N biti n kʋlɛ Mɛ‐Sɛ kɛ ɔ sa fanɛ Ɔkyɛtɔpʋ pʋpwɛ mʋ nɩɩ ee biti ɔ baa ɔ bʋ fanɛ asɛ kakpaa. Mʋ ɩ gyɛ Kayaayu Kyɩrɛkyɩrɛ mʋ nɩɩ ɛɛ lɛɛ Ɩbwaarɛ kesintin mʋ ɛɛ kaapʋ. Dulinya abi ba mɛɛ yɛ ba taalɛ kɔɔlɛ mʋ, lɩɩ fɛɛ ba man nyi mʋ, nɩɩ be mee wu mʋ. Amaa fanɛɛ fanɛ fan nyi mʋ, lɩɩ fɛɛ ɔ bʋ fanɛ asɛ, nɩɩ ee biti ɔ baa ɔ bʋ fanɛ tɔ.

Nɩɩ kʋtɔ kʋmaa mʋ nɩɩ fan kʋlɛ mɛ kɩtɩɩ tɔ sʋ mʋ, n biti n waa sa fanɛ, kɛ mɛ, Obii mʋ n bɩya bʋnyaa sa Mɛ‐Sɛ mʋ. Kʋtɔ kʋmaa mʋ nɩɩ fɛn kʋlɛ mɛ lɩɩ mɛ kɩtɩɩ tɔ sʋ mʋ, n biti n waa sa fanɛ.” Yesu da mʋ kɔkɔlɔ sʋ yɛ Kayaayu Kyɩrɛkyɩrɛ mʋ kii biti kɩ ba.

Nɩɩ Yesu tɔwɛ mʋ abɩɩlapʋ mʋ yɛ, “Nɩɩ fan kan fan sʋ kebiti sa mɛ mʋ, fen biti fan buu mɛ kɔnɔsa.

Ibu damantɛ ɩ bʋ Mɛ‐Sɛ kɩkpaara sʋ. Nɩɩ ɩ daa ɩ man gyɛ kanɩn nɩn, naafɔɔ n tɔwɛ fanɛ. N kpee n naa lɔŋɔ ɔkyɩnakpa sa fanɛ.

Nɩɩ n kan kpee naa lɔŋɔ ɔkyɩnakpa sa fanɛ mʋ, n biti n bwii ba taa fanɛ kpee mɛ asɛ, kɛ fan naa kyɩna katɩn mʋ nɩɩ n tɛ mʋ.

Nɩɩ Tomasi tɔwɛ Yesu yɛ, “Ɔnyɩrɩpɛ, a man nyi katɩn mʋ nɩɩ fii kpee. Nɩɩ nɛnɛ nɩɩ an biti a waa bɩɩ ɔkpa mʋ?”