Popular Bible Verses from Gyn 1

Share

Amaa asa mʋ nɩɩ ba kɔɔlɛ mʋ, nɩɩ ba kɔɔlɛ mʋ gyii mʋ kpini mʋ, ɔ sa bamʋ ɔkpa yɛ ba be biliŋi Ɩbwaarɛ mu‐bii ana.

Lɩɩ npiili asɛ, pɔyɩ kɛ Ɩbwaarɛ ɔ tʋʋ dulinyaa mʋ, ɔmʋ nɩɩ ɔ gyɛ Ɩbwaarɛ kɔnɔ tɔ Asɩn mʋ bʋ tɔ. Nɩɩ Ɩbwaarɛ Kɔnɔ tɔ Asɩn mʋ maa Ɩbwaarɛ ɩ bʋ tɔ, nɩɩ Kɔnɔ tɔ Asɩn maŋa ɩ gyɛ Ɩbwaarɛ.

Kaŋmaŋɛ mʋ ɩɩ ŋmaŋɛ kitentenbiri tɔ, nɩɩ kitentenbiri mʋ man taalɛ dunla kaŋmaŋɛ mʋ kakaakʋ.

Nɩɩ Ɔmʋ nɩɩ ɔ gyɛ Ɩbwaarɛ Kɔnɔ tɔ Asɩn mʋ ba biliŋi nyɩmɩsa, nɩɩ ɔ ba kyɩna anɛ asɛ kasɛ sʋ. An wu mʋ bʋnyaa kparɛ, mʋ nɩɩ ɩ kaapʋ fɛɛ, mʋ ɩ gyɛ Ɩbwaarɛ Mu‐Bii kʋlʋn kpen mʋ. Nɩɩ kabwaala yɛ kesintin kɩ bɔla mʋ.

Kɔnɔ tɔ Asɩn mʋ sʋ nɩɩ ɔ bɔla tʋʋ kʋtɔ kʋmaa. Sɛhn man bʋ tɔ nɩɩ man gyɛ mʋ kɔnɔ tɔ Asɩn mʋ sʋ nɩɩ ɔ bɔla sʋ tʋʋ kɩmʋ. Ɩbwaarɛ Kɔnɔ tɔ Asɩn mʋ tɔ nɩɩ nkpa ɩ bʋ, nɩɩ nkpa maŋa ɩɩ ŋmaŋɛ tɔ ɩɩ sa asa kpini.

Ɩmʋ lɩɩkaakɛ Gyɔn maa wu Yesu maa naa ɛɛ ba mʋ asɛ mʋ, ɔ tɔwɛ yɛ, “Fan kɩɩ, ɔnɩmʋ ɩ gyɛ Ɩbwaarɛ kabʋlʋpʋ, mʋ nɩɩ ee biti ɔ taa mʋ n‐yɩɩ lɛɛ saraga kɛ asa kpini ba nyɛ alibi kɩtaakɛɛ mʋ.

Dulinya nɩmʋ tɔ nɩɩ Ɩbwaarɛ kɔnɔ tɔ Asɩn mʋ wʋla ɔ bʋ. Nɩɩ mʋ sʋ nɩɩ Ɩbwaarɛ bɔla tʋʋ dulinyaa mʋ, nkɛɛ dulinyaa asa ba man bɩɩ mʋ. Ɔ ba mʋ gbaa‐gbaa mʋ ɔsʋwʋlɛ sʋ, amaa mʋ gbaa‐gbaa asa ba man kɔɔlɛ mʋ.

Kesintin kaŋmaŋɛ mʋ nɩɩ kɩɩ ŋmaŋɛ sa asa kpini mʋ, kɩɩ ba dulinyaa tɔ.

Ɩbwaarɛ bɔla Mosesi sʋ taa nbara mʋ sa. Amaa kabwaala yɛ kesintin bɩrɛ bɔla Yesu Krisito sʋ nɩn ba.