Popular Bible Verses from Enzũko 21

Share

Neryo Omwami Mukulu mwibuka Sara ngoko abũga, neryo Omwami Mukulu mwakolera Sara ngoko amubwi­ra.

Neryo Nyamuhanga mowa omulenge wʼomũlwana akalira, nʼomũlaĩka wa Nyamuhanga erĩlũa elubula mwabirikira Hagarĩ, neryo mwabũga naye ati, Wamakwakĩ Hagarĩ? Sigubahe, kusangwa Nyamuhanga amabĩowa omulenge wʼomũlwana aho ali. Hangana, Usumbe omũlwana, umuwateko omo byala byawe, kusangwa nasyamuyira mo kihanda kinene.

Neryo Sara mwaheka obukule, mwabutira Abrahamũ yʼomugala iniamabikekeluha, oko mugulu ogo Nyamuhanga amubwira.

Neryo Sara mwabũga ati, Nyamuhanga amaleka inaseka, nʼobuli mundu ũkowa asyaseka haguma nage.

Neryo Nyamuhanga mwabwira Abrahamũ, ati, Suleke kikabya bũlĩge omo meso wawe busana nʼomũlwana, na busana nʼomũkalĩ mukobe wawe. Ebyosĩ ebyo Sara akakubwira, uhulikirire omulenge wuwe, kusangwa abana ba Ĩsaka bo basyahulwa mo bana bawe.

Omugala wʼomũkalĩ mukobe nibya nasyamuyira mo kihanda, kusangwa naye ni mwana wawe.