Popular Bible Verses from Makö 2

Share

꞊Dhɛ 'ö Yesu ‑ya ‑nu ‑wʋ bha‑ ma, 'yö‑ ‑yɔ bɔ‑ ‑nu ‑gɔ 'ö‑ pö: «Nu 'a‑ wo "kpʋng ꞊taa ya a ‑nu 'wɔnyaakëmɛ ‑nu ꞊në‑ ‑nu mɔɔ‑ kö ‑wo wo bo 'wɔn yaa kë ‑sü 'ka, 'mii nu 'mɛ 'wo‑ pö wo ‑dɩ ‑dhɛ ꞊dhɛ 'bɔn 'bha ‑bha 'bha 'yaa wo ‑bha bha‑ ‑nu mɔɔ‑ ‑dhɛ 'gü, ‑a ‑gɛn ‑mü ꞊dhɛ 'mɛ 'ö‑ 'gü 'yaa ‑së ꞊në‑ ‑mawɔn ‑yö zun ‑dhɔtrɔɔ ‑bha. ('Mɛ 'kö "klʋ̈ʋ̈klʋ̈ ‑a ‑mawɔn 'yaa kë ‑dhɔtrɔɔ ‑bha.)»

꞊Dhɛ 'ö ꞊yaa‑ 'wɔn dɔ ꞊dhɛ 'dhang ꞊dede ꞊në 'mɛ bha 'wo‑ bho ö "dhiʋ̈, 'yö‑ pö ‑gɛnloomɛ bha‑ ‑dhɛ 'ö‑ pö: «N "taɔngdë, 'ma i ‑bha 'wɔn yaa ‑nu ‑mawɔn 'to!»

꞊Dhɛ 'ö ꞊yaa‑ ‑nu dhɛɛ" 'kpɔ "dhʋ̈, 'yö go mü 'ö‑ pö‑ ‑nu ‑dhɛ: «Atanna ‑yö ꞊glooyi ‑da mɛbhɩɩdhe ꞊në ‑dhɛ, 'yii mɛ "bhɩɩ‑ ‑zë ‑da ꞊glooyi ‑dhɛ.

"Kɛɛ ‑dhɛ 'wo dho bɔ‑ ‑bha kö ‑wo ‑kpan Yesu ‑bha, ‑a ‑dhɛ 'yaa gun mɛ ‑kë 'gbɛ ‑kɔ ‑ziisü bha‑ ‑wɔn 'gü. ‑A ‑kë "dhʋ̈ ‑sü bha‑ 'gü, 'yö 'wo ‑da 'kɔ 'ö gun‑ 'gü bha‑ ‑ta "dhʋ̈ng 'gü, 'yö 'wo dho 'wo‑ "dhi bho Yesu ‑ta "dhʋ̈ng 'gü ‑dhɛ ꞊dede 'gü. 'Yö 'wo "trüünyuamɛ bha‑ to ö ‑wɔtapë ‑ta, 'yö 'wo‑ ꞊lɔɔ bhië" ‑bha Yesu ‑kuu "dhiʋ̈ 'kɔɔdhö mü

'Yö‑ pö: «‑A kë 'a‑ wo "dhʋ̈ bha a‑ ‑kë "dhʋ̈ kö 'ka‑ 'wɔn ꞊në‑ dɔ ꞊dhɛ 'wɔn yaa ‑bho mɛ "bhɩɩ‑ ‑nu ‑bha ‑sü 'ö "kpʋng ꞊taa yö bha‑ "sɩ ‑yö mang Mɛgbömɛ n ‑dhɛ.» ꞊Dhɛ 'ö ꞊yaa‑ pö "dhʋ̈, 'yö‑ pö ‑gɛnloomɛ bha‑ ‑dhɛ: «Ma ꞊në 'a‑ pö, ‑bhö "wlü kö 'i i ‑wɔtapë 'sü 'i 'dho i ‑gɔ 'kɔɔdhö!»

‑A pö ‑sü 'ö "trüünyuamɛ ‑dhɛ ꞊dhɛ «'bɔn ꞊ya 'go i ‑bha!» 'pö "gbɩɩ‑ ‑ee? "Ɛɛn ‑a pö ‑sü 'ö‑ ‑dhɛ ꞊dhɛ ‹‑bhö "wlü kö 'i i ‑wɔtapë 'sü 'kii ziö!› yö ꞊në "gbɩɩ‑?»

‑Yö ‑to mɛ ꞊gban "yan "dhiʋ̈ ‑dhɛ do bha‑ 'gü mü 'ö ꞊wlü 'ö ö ‑wɔtapë sü 'ö ‑ziö. Kë 'ö‑ wo "dhʋ̈ bha 'yö‑ 'wɔn ‑yö mɛ ꞊gban kɔn ꞊dedewo, 'yö 'wo‑ pö: «Atanna 'tɔ ‑yö bhɔ, ‑a ‑gɛn ‑mü ꞊dhɛ 'wɔn suu 'dhɛ 'kö ya, yi "yan 'yii ‑da ‑dhɛ 'gü do!»