Popular Bible Verses from Makö 12

Share

'Yö Yesu ‑ya ‑yɔ bɔ‑ ‑gɔ 'ö‑ pö: «‑A 'kpiisü ꞊në: Izraɛdhö ‑mɛ ‑nu, ‑a 'wɔn kë ka "yaan ꞊dhɛ kwa Dëmɛ 'ö kwa ‑bha Atanna 'ka bha ꞊në 'ö Atanna ‑zë 'ka "dhʋ̈ doseng, ꞊dhɛ 'ö "dhʋ̈, kwa Dëmɛ bha‑ ‑dhɔ ‑yö ka kë ka zuë" ꞊gban 'ka, ka ‑zʋtakɔ ꞊gban 'ka, ka faan ꞊gban 'ka bha‑ 'ka. ‑A 'dhɛ dɔ‑ "piʋ̈ ꞊në‑ pö ꞊dhɛ: «I këyɔɔ ‑dhɔ ‑yö i kë ꞊dhɛ i ‑dɩ ‑dhɔ 'dhö i ‑dɩ ‑kë ‑kɔ 'ö‑ ‑bha bha‑ 'dhö.» 'Tɔng‑ "wɛɛwɛɛ 'bhaa 'kpii‑ kö ‑yö ziö ‑a ꞊plɛ 'kö bha ꞊në‑ ‑ta.»

꞊Dhɛ 'ö Yesu ‑ya ‑dhɛ yö, 'yö ö ‑bha ꞊klang ‑nu ‑dhɛ 'yö‑ pö‑ ‑nu ‑dhɛ: «‑Ka ‑dhɛ ‑ga, a‑ ‑pö ka ‑dhɛ tɛan‑ ꞊dede 'ka ꞊dhɛ ꞊gɛandhe ya 'pë 'ö‑ ꞊gbaɔ Atanna ‑gɔ ya ‑yö 'kpii‑ 'ö ‑ziö mɛ "pɛpɛ 'ö ꞊wa pë ꞊gbaɔ Atanna ‑gɔ ꞊dɛɛ ‑a ‑nu ꞊gban ‑bha ‑ta. ‑A ‑gɛn ‑mü ꞊dhɛ 'mɛ 'wo bha‑ ꞊gban "pɛpɛ ‑wo ꞊naɔ ‑yaan ꞊në‑ kë sië, ‑a ‑nu ‑kɔ ‑kë ‑a ‑nu 'kën ‑gu ‑ta ‑sü ‑wɔn 'gü, "kɛɛ dhebhɔnë 'kö ya, 'pë 'ö ꞊ya gun ꞊ya 'to‑ ‑gɔ ‑a ‑bha pë ꞊gban ‑pë ꞊gban 'ka ꞊në 'ö‑ nu bha.»

꞊Dhɛ 'ö ö bo dhiang ‑nu bha‑ ‑nu zë ‑sü 'ka, 'yö dho 'ö ‑ya 'wëëga 'wo‑ ꞊gbaɔ Atanna ‑gɔ ‑a ‑dagüpë 'ö Atanna ‑dhɔkëgükɔ 'gü mü bha‑ "tʋ̈ng 'gü ꞊dhɛ ꞊dede 'gü. 'Yö zun 'wɔn 'suan‑ bho ‑sü bha kö gbaɔ‑ 'ö 'mɛ 'wo gun mü bha 'wo‑ wo sië‑ Atanna ‑gɔ bha 'ö‑ ‑dhɛ yö ‑së 'ka. ꞊Naɔmɛ 'gbɛ ‑wo ‑gun mü 'ö 'wo gun‑ ‑da sië mü wɛɛ" wɛɛdhö ‑Yö ‑to ‑a ‑dhɛ ‑ga ‑dhɛ 'gü, 'yö ꞊gɛandhe "flɛɛsü 'në 'bha bha 'ö nu, 'yö 'wëë‑ "puu ga 'ö‑ ꞊bhlëë 'yaa ꞊mɔɔ 'wëëga do ‑zian ‑bha bha‑ ga ꞊plɛ ‑da 'pë bha‑ 'gü.

"ɛɛn 'zü ‑a pö 'i‑ wo ꞊dhɛ Atanna bha‑ ‑dhɔ ‑bha mɛ kë ‑sü 'ö i zuë" ꞊gban 'ka, i ‑zʋgɔngüwɔn ꞊gban 'ka, i 'nii‑ ꞊gban 'ka, "ɛɛn i faan ꞊gban 'ka, "ɛɛn 'zü i këyɔɔ ‑dhɔ ‑bha i kë ‑sü 'ö ꞊dhɛ i ‑dɩ 'dhö bha‑ ꞊bhlëë‑ 'kpii‑ 'ö ‑ziö "saa‑ ꞊gban "pɛpɛ suu ‑ta bha‑ 'bha 'yaa ꞊sua 'ka.

'Yö‑ pö‑ ‑nu ‑dhɛ: «꞊Dhɛ 'ö "dhʋ̈, ‑ka 'dho kö pë 'dhɛ 'ö ‑gblüdë bha‑ ‑bha 'ka 'ka‑ dɔ‑ ‑gɔ, kö‑ 'dhɛ 'ö Atanna ‑bha 'ka 'ka‑ nu Atanna ‑dhɛ!» ‑A ‑yɔ 'ö‑ bɔ‑ ‑nu ‑gɔ "dhʋ̈ bha, 'yö‑ 'wɔn ‑ya ‑nu kɔn ꞊dedewo.