Popular Bible Verses from Matiö 17

Share

'Yö‑ ‑yɔ bɔ‑ ‑nu ‑gɔ 'ö‑ pö: «‑A ‑gɛn ‑mü ꞊dhɛ 'kaa 'dhang ꞊në‑ bho Atanna "dhiʋ̈. A‑ ‑pö ka ‑dhɛ tɛan‑ ꞊dede 'ka ꞊dhɛ: ꞊Ya kë ꞊dhɛ ka ‑bha ‑zʋ ‑yö Atanna ‑dhɛ ‑sü ꞊blünga ꞊ya kë ꞊dhɛ kplɔɔ" ga ‑zian ꞊në‑ 'dhö, ka ‑dho ꞊mɔɔ‑ ‑bha 'ka‑ pö ‑tɔn ‑dhɛ: ‹‑Bhö 'go i "gblʋʋ bha‑ 'gü 'i 'dho ‑dhɛ ya‑ 'gü!› 'ö ‑kë ꞊dhɛ ‑kɔ bha‑ 'dhö. Ka ‑fiëbhawɔn 'yii dho kë.»

Piɛdhö ‑yö ‑to dhiang bha‑ zë ‑dhɛ 'gü, 'yö "dhuu kpö "yan bhɔ ‑sü 'bha ‑yö nu 'yö sɔ‑ ‑nu ‑ta, 'yö ‑wʋ do ‑yö bɔ "dhuu kpö bha‑ 'gü 'ö‑ pö: «N Gbö (do 'ö n ‑gɔ) 'yö ya ‑a ‑dhɔ ‑yö n ‑kë ꞊dedewo, 'a n ‑gɔ ‑wɔn "pɛpɛ ꞊gban ꞊loo ‑sü 'ka yö ꞊në‑ ꞊kwɛɛ‑. ꞊Ya 'pë 'ö‑ pö ka ‑dhɛ ‑kaa kë.»

꞊Dhɛ 'ö 'mɛ bha ꞊ya bo‑ ‑pö "dhʋ̈ ‑sü 'ka, 'yö Yesu ‑ya pö ö ‑bha ꞊klang ‑nu ‑dhɛ 'ö‑ pö: «Gɔɔgbɩɩmɛ ‑nu, suuyaamɛ ‑nu 'ka ya! ‑Dhɛkpaɔyi ꞊dhɛ ꞊në 'a dho 'sü 'zü ‑deewo kö 'a‑ kë ka "piʋ̈? "Ɛɛn a ‑dho ka ‑kwɛɛ bun 'zü ‑dhɛkpaɔyi ꞊dhɛ ꞊në 'ka ‑deewo kö 'ka gun ‑na 'wɔn 'gü ma kö 'ka 'dhang bho n "dhiʋ̈? 'Yö‑ pö ‑ka nu n ‑dhɛ 'në bha‑ 'ka!» ꞊Dhɛ 'wo nu‑ 'ka, 'yö ꞊gbla "yina yaa 'ö gun‑ bha‑ 'gü bha‑ ‑ta. ‑Yö ‑to ‑dhɛ do bha‑ 'gü 'ö go‑ 'gü 'yö ‑kë "klʋ̈ʋ̈klʋ̈.