Popular Bible Verses from Dhukö 5

Share

꞊Dhɛ 'ö ꞊ya ö bo dhiang zë ‑sü 'ka, 'yö‑ pö Simɔ ‑dhɛ: «‑Bhö ꞊yɔɔn "kplagɔnë bha‑ 'ka "yi ꞊zinng 'gü kö kaa‑ i "tayɔɔ ‑nu bha 'ka "nuu bha‑ ‑së do ‑zuö mü.»

'Yö Simɔ ‑ya pö‑ ‑dhɛ: «N Dëmɛ, 'ya wɔ "yaan "nuu ‑zuö ‑sü ‑bha 'yii pë 'bha 'sü, "kɛɛ ꞊dhɛ 'ö ‑kë ꞊dhɛ 'bha‑ pö "dhʋ̈, a ‑dho ‑a ‑së do ‑zuö mü kö 'a‑ ‑bha ‑ga.» 'Yö Simɔ ‑yö "nuu bha‑ ‑zuö Yesu ‑wʋ bha‑ "dhiʋ̈, 'yö 'wo ‑ya ‑a "gan ‑sü ‑bha, 'wo dho ‑dhɛ ‑ga kö 'yuʋ̈‑ ‑ya pa ‑sü 'ka, kö‑ "nuu ga ‑nu ‑wo "kan sië.

"kɛɛ 'yö Yesu ‑zë ꞊ya kë 'yö dho ö ‑dɩ ‑ta "tʋngtadhɛ ‑nu 'gü 'yö ꞊bhɛa Atanna ‑dhɛ mü.

Nu 'a‑ wo "kpʋng ꞊taa ya 'mii nu kö 'a 'mɛ 'wo‑ pö wo ‑dɩ ‑dhɛ ꞊dhɛ pö 'aa wo ‑bha bha wo ‑zë ‑a ‑nu ‑dhɛ Atanna "piʋ̈, a ‑nu kö 'wɔnyaakëmɛ ‑nu bha ꞊në 'a‑ ‑nu ‑dhɛ.»

꞊Dhɛ 'ö Simɔ "yan 'dhö ‑da 'wɔn bha‑ ‑dhɛ 'gü, 'yö dho 'ö zun ö kpiö 'gü Yesu ‑dhɛ 'ö‑ pö: «N Dëmɛ, 'bha 'dho dɔ n "sɔɔ, ‑a ‑gɛn ‑mü ꞊dhɛ 'wɔnyaakëmɛ ‑mü n 'ka.»

'Yö Yesu ‑ya ‑yɔ bɔ‑ ‑nu ‑gɔ 'ö‑ pö: «'Mɛ 'wo "klʋ̈ʋ̈klʋ̈ wo ‑zë ‑a ‑nu ‑mawɔn 'yaa kë ‑dhɔtrɔɔ ‑bha, mɛ ꞊dede 'ö‑ ‑nu 'gü 'yaa ‑së bha ꞊në‑ ‑nu ‑mawɔn ‑yö zun‑ bha.

꞊Dhɛ 'ö 'mɛ 'wo bha ꞊wa nu woo‑ "kplagɔnë ‑nu bha‑ ꞊gban 'ka "yi "kpʋng "dhiʋ̈, 'yö 'wo‑ to 'mü 'wo dho Yesu ꞊keng‑.

'Ö gun kö Yesu ‑yö 'pö‑ ‑nu bha‑ do 'bha 'gü, 'ö dho ‑dhɛ ‑ga kö mɛ do 'bha 'ö ꞊wee ‑yua ꞊ya "bhɛɛ ‑da ‑bha bha ꞊ya nu kö ꞊ya "gblëënu‑ ꞊wlöö kö ꞊ya bhɛa" ‑dhɛ ꞊yaa‑ pö: «N Dëmɛ, ‑bhö "ta n ‑dhɛ ‑dhe! ‑A ‑gɛn ‑mü ꞊dhɛ ꞊ya kë ꞊dhɛ ꞊ya ga ‑zë wo i 'gü, i ‑kɔ ‑mɔɔ ‑bha kö 'i "yua ya‑ bho n ‑bha.» ꞊Dhɛ 'ö ꞊yaa‑ pö "dhʋ̈, 'yö Yesu ‑yö ö ‑kɔ ‑pʋ 'yö ‑kɔ pa 'mɛ bha‑ 'ka, 'yö‑ pö‑ ‑dhɛ: «꞊Ya ga n 'gü, ‑bhö kë "klʋ̈ʋ̈klʋ̈!» ‑Yö ‑to 'pö ‑dhɛ do bha‑ 'gü 'ö‑ ‑bha "yua bha 'ö bo.

'Yö‑ 'tɔ bhɔ ‑sü 'bha 'dhö ‑da 'gü ‑kpɛawo, 'yö‑ 'tɔ 'dhö dho ‑dhɛ ꞊gban "pɛpɛ 'gü, 'yö 'wo go ‑dhɛ ‑nu 'gü kpö kpö 'ka 'wo nu "tʋ ‑to ‑a ‑wʋ ‑bha ‑dhɛ 'gü, "ɛɛn 'zü kö 'wo kë "klʋ̈ʋ̈klʋ̈