Popular Bible Verses from Matayo 28

Share

Ino mubitage mukavapitule avanu mbevali ava konivala vave vanyigendo vangu, mukavabatise mwitawa lya Dada, Umwana na Umuhe umwelu. Na ukuvigisa vinatilage mbesili sendavalaje nene. Neke nene mba na nyenye mbepali mbaka kuwusililo uwa ing'i.”

Neke Yesu aase neke avatigile, “Uludali mbeluli ulwa kuchanya na mung'i ngapelitwe nene.

Neke umunyivaha avalongele avang'inetu, “Mulogopa! pakuva ngulukagula ukutigila mukumusaka Yesu yevamutumbike. Siipwali ipa nda, pakuva asilibwike ndawe alongige. Muse mulave apono peemulambalike.

Ndawe Yesu avatigilige, “Mulogopa! Mubitage mukavalongele avanyalukolo vangu vabite ku Galilaya kwevambona nene.”

Avatambisi avavina ndawe vakong'anige na avavaha, neke vagahe ikigaho ndawe vavafupige avanyigalu magobole molofu. Neke vavatigilage, “Muvalongelage avanu ukuta avanyigendo vakwe vaasile pakilo neke vamuhiise petugonelye. Ulukani ulu wone lupulise kulumutema hwehwe tulongana nave mulahuguvala.” Ndawe avanyigalu vategulige amagobole nu kupiga lwevevalagile. Neke ululongwa ulu lwatagalye ku Vayudaya mbaka neng'ino.