Popular Bible Verses from Yohane 19

Share

Yesu ave akwanukila idifayi inzasamufu yila atige, “Lusisile!” Swe igondamya umutwe na umutima gwidumuka.

Yesu alukagwe ulwa mbesili yesikwilye; na sambi Uwandike Uwelu wukwilye atige, “Ng'elwike.”

Yesu ave akumuwona uyuve na yula umunyigendo yealamwenda imile pipi, amulonje uyuve, “Yuva, lavage umwana!” Neke peamulongele umunyigendo yula, “Lavage uyuwo.” Na uluhuma ikivalilo kikila umunyigendo yula amutegwe kukaye yakwe.

Vave vakusa kwa Yesu swe vifika yeafwe neke valemwe ukumudenya amagulu. Neke uyumwi va avanyigalu amuhomite nu mugoha mulubafu, swe yihuma idanda nu lulenga. (

Pakuva iso save ndahihyo sambi Uwandike wukwile “Sipokili ikisege chakwe chesakidenywa.” Kangi Uwandike uwungi witigila, “Savamulava umwene yevamutumbwe.”

Ndawe ahumige kono weategwe umusalaba gakwe, mbaka apono apitambulwa, “Pa kibang'a.” (mu Kiebulaniya vitigila Goligota).

Nawo Avanyigalu vasaavite ilihalama lya imifwa nu kumufwika ku mutwe neke vamufwike na gumwenda gunya livala ilinyakilesi.