Popular Bible Verses from Avagalatiya 6

Share

Lino, tulafulugala mukupiga inofu, pakuva wone tulemwe ukudedela satubeta isanga ulusika pelufikite.

Lwide, pakuva twina ikilega, tuvapigilage avanu mbevali uwunofu; na hilo hilo avanyalukolo va mulufuuwo lwetu.

Mwitangage ukwitegusa ifitegulo fyenyu na palulo mukwisa ululagilo lwa Kilisito.

Mulisanga yinyenye; Nguluvi sivakwihesigilwa, cheavyalite umunu chekicho chesaabeta.

Ye ivyala muwudobokesi wa isa mung'i, saabeta wuwo uwanangifu, neke yeivyala mu muhe, saabeta ukuhuma kwa umuhe uwumi uwutasila.

Vanyalukolo wone mumuwone umuyenyu ananzile, nyenye yemwilongoswa na Umuhe mumukenyelage umunu uyo hilo, ulwene mupigilage iso muwulele, kono we mukwikomalila yinyenye, mulongamugelwe na yinyenye kangi.

Wone uyumwi akwipulika ulwa umwene kinu kumbi si kinu, uyo ava akwisanga weiyena. Yeyeavesaga munu igosage mumikalile jakwe. Wone give minofu apo peahwanite ihela mwa cheapigite wesi akwiyiganisa na umunu uyungi. Pakuva yeyeavesaga munu inacho ikitegulo chakwe yumwene ikimuvaje ukwitwika.