Popular Bible Verses from Avakolosayi 3

Share

Mwikangalilage na ukwidegepela wone umunu ave na ulukani lwe asutine na umuyagwe. Luvavaje mwidegepelage ndawe umutwa lweavadegepye nyenye.

Mudobokelage isa uko kuchanya, na si ifinu fya mung'i.

Na chemuvelaga mwipiga, mupigage chesa mutima, ukwimila Nguluvi si ukwimila avanu nda.

Pakuva mwivanu vahagule, avelu na avende va Nguluvi vanyalusungu, vanyawudeke avilevesi, avalele, vanyalwikangaliso.

Ulukani lwa Kilisito lwikalage mugati umwenyu pamwinga na uwunono wakwe mbewuli mwiyigisage na ukwiyisa mu luhala mbeluli. Mwimbage isabuli, na inzimbo, na uwimbe wa kinyamuhe; mumwimbilage Nguluvi munumbula senyu mwina ikilumbo. Na kila chemuvelaga mwipiga, mukulonga nambi mukupiga, mupigage mbefili mwitawa lya Umutwa Yesu na ukumulumba Nguluvi Dada ukukola kulumwene.

Ukulutila kwa iso mbesili mwinatilage uwende, pakuva uwende wawikong'asa mbesili mu wulilumwi uwukwilaniche.

Sweno, wone yemusilibwike pamwi na Kilisito, musugunalage ukusaka isa kuchanya, kula kwekwali Kilisito, akong'ome ulubali lwa kundyo lwa Nguluvi.

Nawo uwikalakunoga wa Kilisito wusagilage munumbula senyu, pakuva ukwimila lulo nyenye mwakemelitwe mumuvili gugo gumwi. Kangi muvelage na ikilumbo!

Sweno muwulagilage ng'ani mbesili isili mwanyenye isikwiga isa mung'i; uwuyamba, uwugoni, uwaafu, uwuhatufu, na uwudobokesi, ulo lwe lusunyalilo ku fihwananguluvi.

Pakuva nyenye mufwe, na uwumi wenyu wufihe pamwi na Kilisito mwa Nguluvi.

Neke lino musilekelage ng'ani mbesili iso, lilakali, ikivikileme, uwanangifu, uwudesi uwubi, uwihuma mumilomo jenyu nambi ing'ani isa malanga.

Mulidetela, pakuva nyenye yemukawuhesise uwunu uwulovela pamwinga na ifipigo fya wuwo, na mufwite uwunu uwupya. Uwo wigina ukuwuyapwa na Nguluvi, Umugafi wa wuwo, wutegane mulwihwano lwakwe, sambi muhwane ukumukagula Nguluvi mu wukwilanifu.

Na yinyenye mwevagosi, muvendage avanu venyu, na mulava mwivakali ku vanu venyu.

Nyela mwe vana, muvapulikage avegasi venyu mbepali, pakuva ulo lwakumunogela Umutwa.

Nyela nye vang'inetu, muvapulikage avanu venyu, pakuva ulo lweayiwenda Umutwa.