Popular Bible Verses from Ifipigo 2

Share

Petulo avapitwe, “Muhongesage nu kubatisiwa mbemuli, mwitawa lya Yesu Kilisito, sambi mudegepelwe inzanangifu senyu, nu kwanukila kila ikipelwa, Umuhe Umwelu.

Na iva mbevali viyigisige ukuhuma kuvigendo na ukwikala kinyalukolo, na mukumegula umukate nu kwifunya.

Mbevali ndawe vamemige Umuhe Umwelu, swe vivanga ukulonga mundongele isingi ndawe Umuhe mweavasogokisige.

Sukumwi kwa kutinukisiwa na umubumo ugwihuma kuchanya gwipulisa witigila kifulufumbi ndawe chamemige mukaye mbeyili yevevikalite. Ndawe savawonekelige indimi, witigila lwenge lwa moto gutagalye uko na uko sikuvikila mumitwe jawo yumwi, yumwi. Mbevali ndawe vamemige Umuhe Umwelu, swe vivanga ukulonga mundongele isingi ndawe Umuhe mweavasogokisige.

Nawo vave pevakong'ana mu Tembeli chechekivesaga kimunyi na valisige ifilyo fyawo pamwi mukaye sawo kwa luhekelelo na mutima gwa uwilevesi, Vamulumbige Nguluvi, na ukwendwa na avanu mbevali. Na Umutwa ongelesige avapokigwe we kwache.

‘Nguluvi itigila de, Mufilo fila fya ku mudugo, Sandivisikisa avanu mbevali Umuhe vangu. Avanenyu, vanyidama na avang'inetu, savadalika ulukani lwangu; Avanyakilambo venyu savagubulilwa ing'ani, na avagogolo venyu savalota amaloto.

Na avevafuuvitwe mbevali vali lumwi, vave vahangite mbefili. Vagusige ifinu fyawo, na ukugavana mbevali, umunu mweawendelige.

Ipo, yeyeavesaga yesaifunya mwitawa lya Umutwa saapokwa.’

Ilisuva salipituka ukuva lwisa, na Umwesi sagupitulwa guve danda, Lwesikilafika ikimunyi kila ikikomi cha indolo sa Umutwa.