Popular Bible Verses from Maliko 12

Share

Yesu azamwitikila angwe: Mulomo mkulu shunu: Iva, Isilayeli! Zumbe, Mulungu ywetu, ni Zumbe ike du. Umkundishe Zumbe, Mulungu ywako, kwa moyo wako woshe na kwa mpeho zako zoshe na kwa ntongonyezi zako zoshe na kwa nguvu zako zoshe! Wa mbili shunu: Umkundishe ṅwiyawo, sa uvyokikundisha ṅwenye!

Azaitanga wahina wakwe, azawati: Kweli namiti: Uyu mvyelengwa mkiwa azagela hakulu kuzinka waja woshe wagezilewo mwe ichi kisanduku cha ntogolo. Hambu woshe wazausha senti kuṅwe mwe mali yawe nyingi, wazazigela, miya uyu ṅwenye ni mkiwa vikulu, kangi vyoshe, avyona navyo, azavigela, ni nkande zakwe zoshe.

Azahita kwa ikala he chiya kisanduku cha ntogolo, azaolela wantu, wavyogela mali na mumo. Wazuli wangi wazagela nyingi. Kuzaiza mvyele mkiwa afilweye ni mγoshi ywakwe, azagela visenti vili vyeγelemuka hela ṅwenga.

Kangi kuja kumkundisha kwa moyo woshe na kwa ntongonyezi zoshe na kwa nguvu zoshe na kuja kumkundisha ṅweshu, sa tivyokikundisha wenye, ni kukulu kuzinka ṅombe za mviko na ntogolo zoshe.

Ne Yesu ahowati: Munkei Kaiza viya vya Kaiza! Kangi Mulungu mumunke viya vya Mulungu! Wazamumakisha.