Popular Bible Verses from Yohana 15

Share

Imi ni mzabibu, inywi mu matambi; mweikala kwangu, nami nikiikala kwakwe, yuja aleta kuwo jingi, kwa kuti mwishina imi, nkakuna muvyodaha kuγoshola.

Ikalai kwangu, nami niikale kwenyu! Sa tambi jishivyodaha kuvyala kwa nguvu yakwe ṅwenye, ati jasheikala mwe nkolo, vivyoho hata inywi, ati mwasheikala na imi.

Mkiikala kwangu, hata mbuli zangu zikiikala kwenyu, lushe ndivyo mkunde kulombeza, vitamibontokela.

Si nywiyo munishaγulewo, ni miyo nimishaγulewo, nizamiika, muhite, mulavye kuwo jingi, kuwo jenyu jiikale, kangwe ndivyo mumlombeze Tate mwe zina jangu, aviminke.

Nkakuna mwekundisha kuzinka aho, akikiinkila kwa mbuli ya wambuyae.

Kila tambi jangu jishijovyala ajiusha, kangi kila tambi jevyala ajishengela, jiisiize kuvyala.

Unu ni mlaγilizo wangu, mkundishane, sa imi nimikundishevyo.

Na inu mbuli Tate agimbikwa, mkilavya kuwo jingi, mkiniγalukila wahina.

Imi ni mzabibu wa kweli, Tate ni mulimi.

Ati muntu asheikala kwangu, aashiγwa, sa tambi jivyoashiγwa jikikalaγala, vikibinda wantu wayaumbika haṅwe, wayaasha mwe moto, yahye.

Izi mbuli nizazimiγambila, kangwe nyemi yangu iikale kwenyu, nyemi yenyu iisiize kuγenela.

Ati mwaγolokela milaγilizo yangu, mtaikala na kunikundisha, sa imi niγolokelevyo milaγilizo ya Tate, nikiikala na kumkundisha.

Inu mbuli naimilaγiliza, mkundishane.

Ati mwanduka mwe inu shi, anga inu shi izakundisha weyae; kwa kuti nkamwanduka mwe inu shi, kangi nizamishaγula na kumilavya mwe inu shi, kwa ivyoho inu shi yamishuka.