Popular Bible Verses from Zaburi 84

Share

Ruoth Nyasaye e ohinga ma wageng’orego kendo e okumbawa. En ema oguedhowa gi ng’wono kod duong’. Ok otuon joma timo gik makare gimoro amora maber.

Odiechieng’ achiel ma ng’ato obedogo e Hekalu mari, ber moloyo ndalo gana gi gana mobedogo kamoro nono. Ber mondo achung’ kata mana e dhoranga od Nyasacha, moloyo dak e miech joricho.

Mano kaka joma yudo tekogi kuomi gin johawi! Ee, joma keto chunygi kuom dhiyo got Sayun gin joma oguedhi adier.

kendo mano kaka agombo ni mondo abed kuno! Agombo bedo e laru mar Hekalu mar Ruoth Nyasaye, kendo awer matek gi ilo ni Nyasaye mangima.