Popular Bible Verses from Luka 14

Share

“Ka ng’ato obiro ira, to ok ojwang’o wuon kod min, gi chiege gi nyithinde koda ka ngimane owuon, to ok onyal doko japuonjrena.

Bende ng’at ma ok nyal ting’o msalape owuon mi luwa, ok nyal doko japuonjrena.

nikech ng’at mating’ore malo nodwok piny, to ng’at madwokore piny noting’ malo.”

Kamano bende onge ng’ato kuomu manyalo bedo japuonjrena ka ok oweyo gige duto.

“En ng’a kuomu, ma kadwaro gero ot, to ok kwong bed piny, mi pim nengo, mondo one ane ka en gi pesa moromo tieko tijno? Ka ok otimo kamano, to ok dotiek gero odno bang’ keto mise, kendo ji duto moneno gima otimore dinyiere, kawacho ni, ‘Jali nochako gedo, to otame tieko!’

To kiloso nyasi, to luong mana joma odhier gi rang’onde gi pudhe kod muofni, eka inibed ng’ama oguedhi, nikech gin gionge gima digichulgo. To Nyasaye nochuli chieng’ ma joma kare ochierie.”

“Kado ber, to ka ndhathe orumo, to ere kaka dumi ochak obed gi ndhadhu kendo? Kado ma kamano onge gi tich kuom loso lowo, kata loso pidh owuoyo, omiyo ipuke mana oko. Ng’at man gi it mar winjo, to mondo owinji.”