Popular Bible Verses from 馬太 27

Share

到下晝三點鐘个時，耶穌大聲喊講：「以利！以利！拉馬撒巴各大尼？」意思係講：「𠊎个上帝，𠊎个上帝，你做麼介放掉𠊎？」

這時，掛在聖殿肚个布簾，對頂高到底下裂做兩析。大地震動，磐石裂開， 墳墓也開了，盡多過身个聖徒返生過來。

耶穌又大喊一聲，就斷氣死掉。

掌耶穌个軍官㧯兵仔看到地動並所發生个事，就大著驚，講：「佢實在係上帝个孻仔！」

當晝个時，大地烏暗，約有三點鐘久。

彼拉多 又問佢等講：「恁樣，該稱做基督个耶穌，𠊎愛樣般處理佢哪？」 佢等全部講：「將佢釘十字架！」 彼拉多 問講：「佢到底做麼介壞事？」 佢等還較大聲喊講：「將佢釘十字架！」