Popular Bible Verses from 馬太 10

Share

「你等愛聽好！𠊎派你等出去，像送羊入狼群一樣。所以，你等愛像蛇恁精靈，像月鴿仔恁溫柔。

想愛保全自家生命个人，反轉會喪失生命；為到𠊎喪失生命个，反轉會得到生命。

只有㓾死肉體、無法滅靈魂个，毋使驚佢等；所愛驚个係上帝，只有佢正能將人个肉體㧯靈魂全部㧒落地獄去。

毋肯擎自家个十字架來跈𠊎个，也堪毋得做𠊎个學生。

「在人个面前認𠊎个，在𠊎天父个面前𠊎也愛認佢； 在人个面前毋認𠊎个，在𠊎天父个面前𠊎也毋認佢。

你等愛醫好病人，喊死人復活，使發癩个人淨浰，並逐鬼。你等係白白得到个，也愛白白給人。

所以，毋使驚，你等比一大群个屋簷鳥仔加盡貴重！

「毋好恅到𠊎來係帶給世間和平；𠊎所帶來个並毋係和平，反轉係刀劍。